Малочныя прадукты - малако і яго вытворныя - вяршкі, смятана, кісламалочныя прадукты, сыры, тварог, - абавязкова павінны прысутнічаць у штодзённым рацыёне дзяцей 3-6 гадоў. Малочныя прадукты адыгрываюць важную ролю ў харчаванні дзіцяці, бо ўтрымліваюць паўнацэнны жывёльны бялок, тлушчараспушчальныя і водарастваральныя вітаміны, а таксама кальцый і іншыя мінеральныя рэчывы. Дзякуючы аптымальным суадносінах у малацэ кальцыя і фосфару, а таксама прысутнасці малочнага цукру - лактозы, - засваенне кальцыя з малака адбываецца значна лепш, чым з круп, мяса, гародніны і іншых прадуктаў. Кальцый неабходны для правільнага фармавання і функцыянавання апорна-рухальнага апарата дзіцяці, а таксама для правільнага фармавання зубоў. У харчаванні дзяцей 3-6 гадоў перавагу варта аддаваць малаку з тлустасцю 2,5-3,2%. Яно можа выкарыстоўвацца як самастойная страва, альбо дадавацца да чаю ці какавы, выкарыстоўвацца для малочных супоў, каш, агароднінных пюрэ, амлетаў, малочных кактэйляў і іншых страў. Пры падрыхтоўцы дзіцячай кашы ці супу з малаком неабходна разварыць крупы ці гародніну на вадзе да гатовасці, затым дадаць пасля гэтага гарачае, але не закіпелае малако, давесці да кіпення і спыніць нагрэў. Пры такім спосабе варкi вітаміны не падвяргаюцца разбурэнню. Рэкамендуецца рэгулярна выкарыстоўваць у харчаванні дзяцей 3-6 гадоў кісламалочныя прадукты - кефір, ражанку, ёгурт і інш. 2,5-3,2% тлустасці, нявострыя несалёныя сыры, тварог 9-18% тлустасці і стравы з яго.
Падрыхтавала намеснік загадчыка па асноўнай дзейнасці А.А.Жаўткоўская Крыніца: Лабынько Л.А. Аб некаторых праблемах у арганізацыі харчавання дзяцей / / Ж-л «Пралеска» № 2, 2012.
разгарнуць » / « згарнуць