"Квітней, наша родная мова!"- пад такім дэвізам напярэдаднi 21 лютага прайшоў Міжнародны дзень роднай мовы ў дзіцячым садку. У гэты дзень  былі арганізаваны розныя мерапрыемствы, прысвечаныя гэтай даце. З самай раніцы выхаванцы віталі адзін аднаго і жадалі добрай раніцы на роднай мове. Дзеці вывучылі на памяць і з гонарам чыталі вершы і спявалі песні, у бацькоўскіх кутках для законных прадстаўнікоў размешчана цікавая інфармацыя аб беларускай мове. Усе разам мы імкнемся, каб нашы маленькія грамадзяне захавалі сваю культурную спадчыну і з павагай ставіліся да беларускай мовы.